Versioni shqiptar i te famshmes "Come around" nga Collie Buddz në një remake të Capital T
e Enjte, 29 Korrik 2010 11:33
Një këngë si "Come around" e Collie Buddz, ka nxitur shumë artistë të krijojnë versionin e tyre, të frymëzuar nga origjinali. Kryesisht janë ri-punime reggae dhe dancehall, ose remikse breaks dhe drum'n bass (si për shembull remikset e punuar nga Dj Defkline dhe Red Polo, të cilët njihen për remikset e tyre të fuqishëm breaks të shumë hiteve reggae).
Por motivet e "Come around" janë përdorur aq shumë gjerësisht edhe në remikse të tjerë, saqë ka njerëz që nuk e kanë dëgjuar ndonjëherë origjinalin, pavarësisht se në fakt janë duke kërcyer fort nën ritmin e Collie Buddz!
"Come around" nuk ka shpëtuar pa u vënë re as nga Capital T, band hip-hop nga Kosova, të cilët i kanë dhënë këngës tonin e tyre hip-hop kosovar. Albreggae i vlerëson djemtë për përpjekjen!
...Dhe mos harroni të dëgjoni edhe versionin më të bukur të këngës; atë origjinal të kënduar nga Collie Buddz.